المجلس البلدي برماح يضلل الرأي العام !!

المشاركة الأصلية كتبت بواسطة كواليس

اخوي صوت العرب

انا مو مدافع عن احد

لكن ياخوي اللي اشوفه في الصوره رسم هندسي لمبنى البلديه القادم يعني مافيه استغفال يعني واضح جدا انه رسم هندسي ويعرفون هذا كثير من الناس يعني هذا مخطط هندسي

لكن احبائي اوصيكم واوصي نفسي ان بعض الظن اثم


وما اخفيك انهم مقصرين لكن تقصيرهم مايبيح لنا نفتري عليهم

اتمنى كلنا نكون متفائلين

لكن تحركات رئيس المجلس البلدي الاخيره كانت تحركات قويه ويكفي انه كشف امور اذهلتنا وماقبل يساوم على اخلاصه وهذي نقطه نشهد بها للرجل بعد ماقريت الخبر

ولكن التصويت جاي قريب ان شاء الله وبنعطي اصواتنا للي يستاهلون


والمجلس البلدي اتوقع انه خلال الشهور الجايه بيسوي اشياء قويه واخص هنا رئيسه المخلص البار وربي اعجبني موقفه الشجاع الاخير لان هذا يدل على اخلاصه بينه وبين ربه

أخي كواليس/ الكل يعرف أن أي رسم هندسي أو تصميم يكتب تحته (التصميم المقترح لمبنى بلدية رماح ؟
وليس هذا ظن مني بل هذا واقع أمام أعيننا والرسم الموجود في الكتيب لاأساس له من الصحة ولايمت للبلدية بأي صلة ولم تقترحه البلدية ولم ينزل في ميزانية البلدية أي مبني لرماح هذا كذب فاضح عينك عينك والشي لو تطلع على الكتاب كان تشوف فضايح اكبر من صورة الغلاف !!
أما قولتك أنه أعجبك موقف رئيس المجلس الشجاع ؟؟؟؟؟ هذا حط عليها خطين ماهو الموقف الشجاع اللي سواه ولاشفناه .
ياخي لاتاخذنا الشعارات الزائفه المجلس البلدية من تكوينه في رماح فاشل بكل المقاييس ماشفنا منهم أي إنجاز يذكر نسمع قعقعة فناجيل ولاشفنا قهوة.
والله حسيبهم والله حسيبهم ماأخر رماح الا المجاملات والطهبلة اللي مال أمهاداعي
ولك تحياتي وسجل أعجابي بقلمك النابض

المشاركة الأصلية كتبت بواسطة spot light

الله يهديك يا صوت العرب ما تدري ان احلام اعضاء المجلس البلدي تعتبر حقائق مسلم فيها يعني وش المانع انه كم عضو شافوا صورة هالمبني في النوم وثاني يوم طبعوا الكتاب عادي ياخوي

وبعدين ياليت لو نقلت لنا وش اللي مكتوب في الكتاب حتى نشوف مجهوداتهم العظيمة يمكن الربع قاعدين يشتغلون بس العيب فينا حنا اللي ما نشوف بانتظار تقريرك القادم ,,,,,,,,,,,, تحياتي لك

ههههههههه الله يستر عليك اجل الربيع في حلم لا واحلامهم ليتها بعد تنهضم ؟ أما اللي في كتابهم بغيت أنزلها لكم رفضها الجهاز!
وحاولت كم مرة ويعطيني رفض واروح أجيب متخصص كمبيوتر وبعد كم ساعة محاولات منه قال البلا مهوب في الجهاز البلا في المعلومات اللي في الكتاب ماقبلها جهازك لاانها كذب وتزوير .
تصدق صارت الاجهزة أفضل منا معاد تقبل الكذب!!! وحنا الله يحييك نقبله تصدق المشكلة في عقولنا ؟ هههههههه الله يرحمنا برحمته الى متى ونحن هكذا تحياتي لك بشكل خاص والسلام

موفقين

..خلهم بالاول يظبطون رمااح وشوارعها ومشاريعها ..بعدين يظبطون مكاتبهم ....اقصد المبنى ...
(الله المستعان )

مشكور أخوي على هذا الموضوع

المجلس البلدي صحيح فيه تقصير في بعض الأمور ، لكن فيه أعضاء فيهم الخير والبركة وعندهم ذمة وضمير وعلى رأسهم رئيس المجلس لأنه رجل نشيط وعنده ذمة ويكفي أنه كشف أمور كانت مخفية على كثير من الناس وكذلك عدم موافقته على التنازل عن بعض الأشياء حتى تم توصيلها إلى الوزير ..